கீர்த்தி சுரேஷ் தெலுங்கில் டப்பிங் செய்தார்
Keerthy Suresh dubbed in Telugu
2015ஆம் ஆண்டு சிவா இயக்கத்தில் அஜித்குமார், ஸ்ருதிஹாசன் ஜோடியாக நடித்த படம் ‘வேதாளம்’. அஜித் குமாரின் தங்கையாக லட்சுமி மேனன் நடித்துள்ளார்.
தற்போது இப்படம் தெலுங்கில் ‘போலா சங்கர்’ என்ற பெயரில் ரீமேக் செய்யப்பட்டுள்ளது. சிரஞ்சீவிக்கு ஜோடியாக தமன்னா நடித்துள்ளார். சிரஞ்சீவியின் தங்கையாக கீர்த்தி சுரேஷ் நடிக்கிறார்.
மெஹர் ரமேஷ் இயக்கியுள்ள இப்படத்திற்கு பிரபல இசையமைப்பாளர் மணி சர்மாவின் மகன் மஹதி ஸ்வர சாகர் இசையமைத்துள்ளார். ஆகஸ்ட் 11ஆம் தேதி பல்வேறு மொழிகளில் திரைக்கு வரவுள்ள இப்படத்தில் கீர்த்தி சுரேஷ் தனது காட்சிகளுக்கு தெலுங்கில் டப்பிங் பேசியுள்ளார்.
இதை அவர் தனது சமூக வலைதளத்தில் புகைப்படத்துடன் பதிவிட்டுள்ளார். தமிழில் உதயநிதி ஸ்டாலினுக்கு ஜோடியாக ‘மாமன்னன்’ படத்தில் நடித்தார்.
இதுதவிர ‘ரகு தத்தா’, ‘சைரன்’, ‘ரிவால்வர் ரீட்டா’ ஆகிய படங்களில் கீர்த்தி சுரேஷ் நடித்து வருகிறார் என்பது குறிப்பிடத்தக்கது.